ԵՊԼՀ մեծ դահլիճում մարտի 28-ին տեղի կունենա շնորհանդես՝ Երևանի Վ. Բրյուսովի անվան պետական լեզվաբանական համալսարանին ՀՀ ԿԳՆ կողմից 032700 կոդով «Եվրոպագիտություն» մասնագիտության գծով գործունեության թույլտվություն ստանալու և նույն բարձրագույն մասնագիտական կրթական ծրագրով, առկա ուսուցմամբ, մագիստրոսի որակավորման աստիճանով, 2 տարի ուսուցման տևողությամբ գործունեություն ծավալելու վերաբերյալ:
Ինչպես PanARMENIAN.Net-ին հաղորդում են Բրյուսովի անվան պետական լեզվաբանական համալսարանի հանրային կապերի բաժնից` զեկույցներով հանդես են գալու ԵՊԼՀ ռեկտոր պրոֆ. Ս. Զոլյանը, ՀՀ Ազգային ժողովի պատգամավոր, ԵՊԼՀ ՅՈՒՆԵՍԿՕ-ի մարդու իրավունքների, ժողովրդավարության և եվրոպագիտության ամբիոնի վարիչ Տ. Թորոսյանը, «Եվրոպական ինտեգրացիա և Կենտրոնական Եվրոպայի պատմության նուրբ հարցերը. Վիշեգրադի երկրների փորձը» ծրագրի դասախոս Ս. Գրիգորյանը և «Եվրոպական ինտեգրում. լեզու, մշակույթ և ինքնություն» ծրագրի դասախոս Մ. Զոլայնը:
Շնորհանդեսին հրավիրվել են ՀՀ նախարարությունների, դեսպանատների, բուհերի, միջազգային և հասարակական կազմակերպությունների ներկայացուցիչներ:
