Ջաջուռ-Մայիսյան հատվածում ընթացող ձնահյուսի սպառնալիքի վերացման աշխատանքները չեն ազդել «Հարավկովկասյան երկաթուղի» ընկերության գնացքների չվացուցակին: Ներկա պահին բոլոր ներհանրապետական էլեկտրագնացքները և Երևան-Թբիլիսի-Երևան գնացքը շարժվում են համաձայն չվացուցակի` առանց որևէ ուշացման:
Հայատանի Արտակարգ իրավիճակների նախարարությունը արդեն մի քանի օր Ջաջուռ–Մայիսյան երկաթգծի 7-րդ կիլոմետրի հատվածում իրականացնում է ձնահյուսի սպառնալիքի վերացման աշխատանքները: Պայթեցման եղանակով չեզոքացվեց նոր ձնահյուսի առաջացման վտանգը:
Ձյան շերտի հաստությունը կազմում էր մոտ 1 մ, իսկ վտանգավոր հատվածի երկարությունը` 35-40 մ:
