Սիրիայի բարձրագույն ընտրական կոմիտեն հայտարարել է այդ երկրում խորհրդարանական ընտրություններին մի քանի հազար թեկնածուների մասնակցության մասին: Մասնավորապես, Ներկայացուցիչների պալատի թեկնածուների թիվը 7190 է, հաղորդում է ալ-Ալյամ գործակալությունը: Նրանց թվում են ընդդիմության ներկայացուցիչներ:
Սիրիացիները հույս ունեն, որ այս ընտրությունները էական քայլ կլինեն երկրում քաղաքական բարեփոխումների իրականացման, ժողովրդավարության հաստատման և տնտեսական վիճակի բարեփոխման ճանապարհին:
Սիրիայի նախագահ Բաշար Ասադի հրամանով այս երկրում խորհրդարանական ընտրություններն առաջին անգամ տեղի են ունեալու բազմակուսակցական հիմքով:
Սիրիայում հակակառավարական ցույցերը սկսվել են նախորդ տարվա մարտին: Այս ընթացքում, համաձայն ՄԱԿ-ի տվյալների, երկրում զոհվել է ավելի քան 9 հազար մարդ:
Մարտին Ասադին կրկին առաջարկվել է իրավիճակի խաղաղ կարգավորման ծրագիր, ըստ որի կառավարական զորքերը պետք է առաջինը դադարեցնեն ռազմական գործողությունները: Ընդ որում, Սիրիային երկրի ներքին գործերին չմիջամտելու երաշխիք էր տրվել :
