Երևանի Բրյուսովի անվան պետական լեզվաբանական համալսարանի 100-200 ուսանողներ այս պահին կառավարության շենքի մոտ են:
«Ամոթ, ամոթ», «Ազատ-անկախ Բրյուսով» բացականչելով, «Բրյուսով հավասար է Զոլյան», «Չկա Զոլյան, չկանք մենք» պաստառներով նրանք պահանջում են վերադարձնել ԵՊԼՀ արդեն նախկին ռեկտոր Սուրեն Զոլյանին իր պաշտոնին:
Այժմ ուսանողների ներկայացուցիչներից 5 հոգի բարձրացել են վարչապետ Տիգրան Սարգսյանի մոտ բանակցելու:
ՀՀ կրթության և գիտության նախարարի հրամանով ապրիլի 17-ին Երևանի Վ. Բրյուսովի անվան պետական լեզվաբանական համալսարանի (ԵՊԼՀ) ռեկտոր Սուրեն Զոլյանի լիազորությունները դադարեցվել են:
