Սիրիայում ՄԱԿ-ի դիտորդների թիվը մայիսի 14-ին կարող է հասնել 225 հոգու, հաղորդվում է Սիրիայում հրադադարի հետևելու ՄԱԿ առաքելության մամլո հաղորդագրությունում:
Այժմ երկրի տարածքում աշխատում են 39 չզինված ռազմական դիտորդներ և 16 քաղաքացիական աշխատակիցներ: Դիտորդներն աշխատում են Դամասկոսում, Հոմսում, Հալեպում, Համեում, Իդլիբում և Դերաայում:
Սիրիայում ՄԱԿ առաքելության ղեկավար Ռոբերտ Մուդի խոսքով նրանք հաջող են կատարում իրենց խնդիրները սիրիական հակամարտության կարգավորման վերաբերյալ Քոֆի Աննանի պլանի շրջանակներում: Առաքելության աշխատանքը կտևի երեք ամիս:
