Ռուսաստանի նախագահ Վլադիմիր Պուտինի հեռախոսազրույցը Իրանի Իսլամական Հանրապետության նախագահ Մահմուդ Ահմադինեջադի հետ կայացել է շաբաթ օրը իրանական կողմի նախաձեռնությամբ, հաղորդում են Կրեմլի մամլո ծառայությունից:
«Վլադիմիր Պուտինն ու Մահմուդ Ահմադինեջադը փոխադարձ պատրաստակամություն են հայտնել շարունակելու ռուս-իրանական համագործակցության առաջադիմող զարգացումը: Զրույցի ընթացքում նշվել են պետությունների ղեկավարների հետագա կապերի հեռանկարային ծրագրերը»,- նշվում է հաղորդագրության մեջ:
Ինչպես հաղորդում են մամլո առայությունից, ԻԻՀ նախագահը շնորհավորել է Պուտինին Ռուսաստանի Դաշնության նախագահի պաշտոնը ստանձնելու կապակցությամբ:
