Նավթի համաշխարհային գները երկուշաբթի նվազում են մինչև վերջին 8 ամիսների ընթացքում գրանցավծ ամենացածր մակարդակի` ԱՄՆ և Չինաստանի տնտեսական աճի դանդաղեցման նախանշանների պատճառով:
Վերջիններս աշխարհում հումքի ամենախոշոր օգտագործողներն են:
Երկուշաբթի ներդրողները շարունակում են շահարկել ուրբաթ օրը ԱՄՆ-ից ստացված վիճակագրությունը, համաձայն որի, ԱՄՆ-ում գործազրկության մակարդակը մայիս ամսին ապրիլի 8.1 տոկոսի փոխարեն հասել է 8.2 տոկոսի:
Հանգստյան օրերին բացասական լուրեր են ստացվել նաև Չինաստանից, որտեղ հայտնի է դարձել, որ երկրի տնտեսության ոչ արտադրական ոլորտում աշխատանքայի ակտիվության մակարդակը մայիսին ապրիլի 56.1 կետի փոխարեն նվազել է մինչև 55.2 կետի:
«Մենք թույլ վիճակագրություն ենք տեսնում ԱՄՆ-ից և Չինաստանից: Եթե ճգնաժամը Եվրոպայում հանգեցնի ԱՄՆ-ի և Ասիայի տնտեսական վիճակների խիստ վատացմանը, ապա դա շատ վատ կանդրադառնա նավթի արժեքի վրա»,- ընդգծում է վերլուծաբան Մայքլ Մաքքարթին, ում խոսքը մեջբերում է Bloomberg գործակալությունը:
