Իրաքի մայրաքաղաքի կենտրոնում տեղի ունեցած ականապատ մեքենայի պայթյունի հետևանքով 18 մարդ է զոհվել, շուրջ 60 վիրավորվել է: Այդ մասին ԻՏԱՐ-ՏԱՍՍ-ին են հայտնել Իրաքի անվտանգության մարմիններում:
Ահաբեկչական գործողությունը կատարվել է շիաների կրոնական ֆոնդի դեմ:
Ահաբեկչության պատասխանատվությունը դեռ ոչ ոք չի ստանձնել, սակայն իշխանությունները կարծում են, որ այն կատարել է սունիների ծայրահեղական խմբավորումներից մեկը:
Անցած հինգշաբթի Բաղդադում պայթյունից 17 մարդ էր զոհվել: Աղբյուրը նշում է, որ այսպիսով, Իրաքի ղեկավարությունն, անկախ իր հայտարարություններից, առայժմ չի կարողանում սանձել «Ալ-Քաիդայի» գործողությունները:
