Մասնավոր բուհերը, նախորդ տարվա նման, այս տարի էլ ունեն դիմորդների պակաս։
Այս մասին այսօր լրագրողների հետ հանդիպմանն ասաց Խորենացու անվան համալսարանի ռեկտոր Արթուր Աղաբաբյանը` նշելով, որ իրենց բուհ առաջին հայտով դիմել է ընդամենը 25 դիմորդ:
Ռեկտորը դա բացատրում է նրանով, որ դեռևս չի փոխվել հասարակության վարբերմունքը մասնավոր բուհերի նկատմաբ, այնինչ, ըստ Աղաբաբյանի, պետական և մասնավոր բուհերն իրարից տարբերվում են միայն իրավակազմակերպական ձևով:
«Մեր կրթական համակարգում կան թերություններ։ Եւ պետական, և մասնավոր բուհերում խնդիրների լուծումը կախված է բուհի որդեգրած քաղաքականությունից»,–ասաց նա:
Ռեկտորն առաջարկում է միասնական ընդունելության քննությունների փոխարեն անցնել պետական ավարտական քննություններին, ինչը հնարավորություն կտա միևնույն մասնագիտությունն ընտրած դիմորդներին հանձնել միևնույն պետկան ավարտական քննությունները:
