Սիրիական բանակն ու քաղաքացիական անձիք թույլ չեն տվել ՄԱԿ-ի Առաքելությանը մուտքը Համա քաղաք, որտեղ նախորդ գիշեր դարձյալ բախումներ են գրանցվել:
«Չնայած բոլոր խնդիրներին, դիտորդները շարունակում են աշխատել գյուղ մտնելու ուղղությամբ, որպեսզի տեղում արձանագրեն տեղի ունեցածի վերաբերյալ փաստերը»,-ասվում է հաղորդագրությունում: Նշվում է նաև, որ «Սիրիայում ՄԱԿ-ի դիտորդական առաքելությունն անհանգստացած է ստեղծված սահմանափակումներով, քանի որ դրանք կխանգարեն կարգավորել, դիտարկել և տեղեկացնել»,-հաղորդում է ԻՏԱՐ-ՏԱՍՍ-ը:
