Կենտրոն և Նորք-Մարաշ վարչական շրջանների ընդհանուր իրավասության դատարանում այսօր տեղի ունեցավ ԵՊԼՀ (Երևանի Վ. Բրյուսովի անվան պետական լեզվաբանական համալսարան) նախկին ռեկտոր Սուրեն Զոլյանի հայցադիմումի քննման առաջին նիստը, որի ընթացքում վիճարկվում էր ԿԳ(Կրթության և գիտության) նախարարի Զոլյանի` որպես բուհի ռեկտորի լիազորությունները դադարեցնելու մասին հրամանը։
PanARMENIAN.Net-ի թղթակցի հետ զրույցում Սուրեն Զոլյանն ասաց, որ այսօր նիստին կողմերը ներկայացրել են իրենց դիրքորոշումները, ծանոթացել հայցին, մյուս նիստին հնարավորություն է տրվելու ներկայացնելու իրենց ապացույցները:
ԵՊԼՀ նախկին ռեկտորն ասաց, որ պատասխանող կողմի ասածը դատարկաբանություն էր. «Անգրագիտութուն անգրագիտության ետևից, նրանք իրենց պատասխանի մեջ չանրադարձան հայցվորի ոչ մի հարցադրման։ Պատախանի ողջ իմաստն այն էր, որ նախարարը ճիշտ է ամեն ինչում, քանի որ նախարար է»:
Սուրեն Զոլյանը նշեց, որ իրենք ԿԳ պատասխանը տեղադրելու են նոր` unifree.am կայքում, որ բոլորը տեսնեն , թե ինչ մակարդակի մարդիկ են աշխատում ԿԳՆ-ում:
