WikiLeaks վեբ-կայքի հիմնադիր Ջուլիան Ասանժին Շվեդիային հանձնելու մասին որոշումը չի վերանայվի: Ինչպես հաղորդում է Ինտերֆաքսը, այդ մասին հինգշաբթի օրը հայտնել են Մեծ Բրիտանիայի Գերագույն դատարանում:
Դատարանում դիտարկել են Ասանժի փաստաբանների հայցը գործի վերանայման մասին, սակայն եզրակացրել են, որ նման ընթացակարգի անցկացման համար հիմքեր չկան:
Այժմ WikiLeaks-ի հիմնադիրը կարող է Շվեդիային չհանձնվելու համար, որտեղ իրեն մեղադրում են սեռական ոտնձգությունների մեջ, պայքարել միայն Մարդու իրավունքների եվրոպական դատարանի միջոցով, հաղորդում է աղբյուրը:
