Սիրիական ընդդիմությունը հսկողության տակ է վերցրել Իրաքի հետ սահմանը: Այդ մասին հայտնում է Բի-բի-սին, Իրաքի ներքին գործերի նախարարի վրա հղումով: Բացի այդ, ասվում է, որ Սիրիայի ապստամբների բանակը գրավել է երկու հսկիչ անցակետ Թուրքիայի հետ սահմանին Իդլիբ գավառում:
ՌԲԿ-ն նշում է, որ 2012թ. հուլիսի 18-ին Իրաքը կոչ է արել իր քաղաքացիներին լքել Սիրիան բռնության լուրջ բռնկման պատճառով և վերադառնալ հայրենիք: Ըստ ՄԱԿ տվյալների, ներկայումս Սիրիայում բնակվում է 87 հազար իրաքցի:
Կարմիր Խաչի միջազգային կոմիտեն հուլիսի 15 հայտարարել է, որ իրադարձությունները Սիրիայում դիտարկում է որպես «ներքին զինյալ հակամարտություն»: Այդ եզրույթը քաղաքացիական պատերազմի իրավաբանական սահմանումն է:
