ՄԱԿ-ի գլխավոր քարտուղարի խաղաղապահ օպերացիաների հարցերով տեղակալ Էրվե Լադուսը ժամանել է Սիրիա, որպեսզի գնահատի երկրում տիրող իրավիճակը: Այս մասին հաղորդել են միջազգային կազմակերպության մամլո ծառայությունում:
Լադուսից հետո Դամասկոս պետք է ժամանի նաև գեներալ Բաբակար Գայը, ով կդառնա Սիրիայում դիտորդների նոր առաքելության ղեկավարը: Այս պաշտոնում նա կփոխարինի Ռոբերտ Մուդին:
Սիրիայում բախումները շարունակվում են մեկ տարուց ավելի: Այս ընթացքում, ըստ ՄԱԿ-ի տվյալների, երկրում զոհերի թիվը գերազանցում է 16 հազարը:
