Հալեպում կառավարական զորքերի և ընդդիմության ներկայացուցիչների միջև մարտերը վերսկսվել են: Ինչպես հաղորդում է Ինտերֆաքսը, ՄԱԿ-ի Արաբական պետությունների լիգայի հատուկ դեսպանորդ Քոֆի Աննանը Սիրիայի իշխանություններին և ընդդիմադիրներին երկխոսության կոչ է արել:
Հալեպը Սիրիայի երկրորդ խոշորագույն քաղաքն է և կարևոր ռազմավարական նշանակություն ունի հակամարտության երկու կողմերի համար: Հայտնի է, որ ապստամբները քաղաքի մի քանի թաղամասերը գրավել են դեռևս հուլիսի 20-ին:
Անցյալ ուրբաթ նրանք հայտարարեցին Հալեպում Սիրիայի նախագահ Բաշար Ասադի իշխող վարչակարգի կողմնակից 100 զինվորների գերի վերցնելու մասին:
Այն մասին, որ Հալեպում վերսկսվել են մարտերը, կիրակի օրը հաղորդեցին Լոնդոնում տեղակայված սիրիական Մարդու իրավունքների դիտորդական խորհրդի աշխատակիցները: Զոհվածների մասին տեղեկություններ առայժմ չկան:
