Իրանի ԱԳ նախարար Ալի Ակբար Սալեհին հեռախոսազրույցի ընթացքում խնդրել է Թուրքիայի և Քաթարի իր գործընկերներին օգնել ազատել 48 իրանցի ուխտագնացներին, ովքեր նախօրեին առևանգվել էին Սիրիայում, կիրակի օրը հաղորդում է Ֆրանս Պրեսս գործակալությունը` հղելով տեղական հեռուստաալիքը:
Օգոստոսի 4-ին 48 իրանցի ուխտագնացներ են առևանգվել Սիրիայում` Դամասկոսի միջազգային օդանավակայանից տանող ուղու վրա: Ըստ նախնական տվյալների, ուխտագնացների թվում կանայք և երեխաներ չկան:
