Սիրիական բանակը չորեքշաբթի օրը ձեռնամուխ է եղել Հալեպի ցամաքային գրոհին, հաղորդում է Lenta.ru-ն:
Սիրիայի պետական հեռուստատեսության տվյալներով, գրոհի առաջին ժամերը հաջող են ընթացել: Ապստամբները նահանջել են Սալահուդդին շրջանի թաղամասերի մեծամասնությունից:
Կառավարական աղբյուրները հաստատում են, որ նրանց հաջողվել է գրավել շրջանի գլխավոր հրապարակը:
Միևնույն ժամանակ The Guardian-ի թղթակից Մարտին Չուլովը, ով անմիջականորեն աշխատում է Հալեպում, իր միկրոբլոգում գրել է, որ պաշտոնական աղբյուրները չափազանցնում են իրականությունը, քանի որ Սալահուդդինը նախկինի նման գտնվում է ապստամբների ձեռքում:
