Պակիստանի Կարաչի քաղաքում ուրբաթ օրը ավտոբուսի պայթյունի արդյունքում զոհվել է1, վիրավորվել` 10 մարդ:
Ավտոբուսը տեղափոխում էր մոտ 40 շիա-ուսանողների, որոնք ուղևորվում էին ամենամյա հակաիսրայելական ցույցի, հաղորդում է «Ազատություն» ռադիակայանը:
Նախօրեին երկրի հյուսիսում գտնվող Գիլգիտ քաղաքում գրոհայինները ավտոբուսից դուրս էին բերել 20 շիաների, հրամայել պառկել գետնին և գնդակահարել նրանց:
Այս հանցագործությունը խստորեն քննադատվել է ՄԱԿ-ի Գլխավոր քարտուղար Պան Գի Մունի կողմից:
Իրավապաշտպանները հաղորդում են, որ միայն Կարաչի քաղաքում այս տարի էթնիկ և կրոնական բնույթի բախումների արդյունքում զոհվել է 1100 մարդ:
