Ճանապարհային ոստիկանության 1-ին սպայական գումարտակի աշխատակիցները օգոստոսի 27-ից սեպտեմբերի 2-ն ընկած ժամանակահատվածում Երևան քաղաքում իրականացրած ծառայության ընթացքում Ճանապարհային ոստիկանության հատուկ պահպանվող տարածք բերման են ենթարկել 30 տրանսպորտային միջոց: Այս մասին տեղեկացնում են ՀՀ ոստիկանությունից: Ոստիկանությունից տեղեկացնում են, որ մեքենաներից 2-ի խլացուցիչներն առանց համապատասխան թույլտվության վերասարքավորած են եղել աղմուկով երթևեկելու համար, 2 մեքենաների վրա տեղադրված են եղել գերհզոր հատուկ ձայնային ազդանշաններ արձակելու սարքավորումներ, 3 վարորդ մեքենաները վարել են ոչ սթափ վիճակում, 23-ը տրանսպորտային միջոցը վարել են առանց համապատասխան փաստաթղթերի:
Երթևեկության ընթացքում ճանապարհի ծածկույթն աղտոտելու համար 1 բեռնատար ավտոմեքենայի վարորդի, իսկ երթևեկության ընթացքում ծխելու համար 258 վարորդի նկատմամբ կազմվել են համապատասխան վարչական իրավախախտման վերաբերյալ արձանագրություններ:
