Սիրիայում կառավարական զորքերը օդային գնդակոծության են ենթարկել երկրի հյուսիսում գտնվող Էլ-Բաբ քաղաքը: Գրոհի արդյունքում զոհվել է 25 մարդ: Այս մասին հաղորդում են ընդդիմության ակտիվիստները:
Բաշար Ասադի ռեժիմի հակառակորդները հրապարակել են օդային հարձակման տեսագրությունը: Նրանք հայտարարում են, որ զոհվածների թվում են 6 կանայք և երկու երեխաներ:
Այս տեղեկատվության անկախ հաստատում տվյալ պահին չկա, հաղորդում է ВВС-ի ռուսական ծառայությունը:
Ավելի վաղ Դամասկոսի արվարձաններից մեկում պայթյուն էր տեղի ունեցել: Պայթյունի արդյունքում վիրավորվել է մի քանի մարդ:
