Չորեքշաբթի երեկոյան հակաիսլամական ֆիլմի դեմ բողոքող ցուցարարները կրկին փորձել են ներխուժել Կահիրեում ԱՄՆ դեսպանատան տարածք, սակայն ոստիկանությունը կանխել է բոլոր փորձերը: Այս մասին հաղորդում է CNN հեռուստաալիքը` հղելով Եգիպտոսի ՆԳՆ ներկայացուցչին:
Ոստիկանության աշխատակիցները ստիպված են եղել կիրառել արցունքաբեր գազ և դեպի օդ նախազգուշական կրակոցներ անել, որպեսզի ցրեն բողոքի մասնակիցներին, ովքեր սկսել են ամերիկյան դիվանագիտական ներկայացուցչության վրա քարեր նետել և փորձել անցել ցանկապատից:
Եգիպտական առողջապահության նախարարության ներկայացուցչի տվյալներով, ավելի քան 10 մարդ է վիրավորվել:
