Հարյուրավոր ցուցզարարներ Սուդանի մայրաքաղաք Հարթումում գրոհել են միանգամից երեք դիվանագիտական ներկայացուցչությունների վրա: «Ալ-Ջազիրա» հեռուստաալիքի փոխանցմամբ, ցուցարարները գրոհում են ԱՄՆ, Բրիտանիայի և Գերմանիայի դեսպանատները:
Ոստիկանության ուժերը կիրառում են արցունքաբեր գազով նռնակներ, որպեսզի ցրեն կատաղած ամբոխը: Ցուցարարները դիվանագիտական ներկայացուցչությունների վրա քարեր են նետում:
Արաբական մի շարք երկրներում բողոքի և բռնության նմանատիպ ակցիաների պատճառը «Մահմեդականների անմեղությունը» ֆիլմն է, որով վիրավորանք է հասցվում մահմեդականների կրոնական զգացմունքներին:
