Շուրջ հազար չինական ձկնորսական առագաստանավեր ուղորդվում են Դյաոյույդաո վիճելի կղզիների շրջան, որոնք անցած շաբաթ Ճապոնիայի կառավարությունն ազգայնացրել է:
Կիրակի օրը պաշտոնապես հանվել է Արևելյան-չինական ծովի շրջանում ձկնորսության վրա գործող էմբարգոն: Ինչպես հաղորդում են տեղի ԶԼՄ-ները, նույն օրը ավելի քան 10 հազար ձկնորսական նավեր դուրս են եկել ծով ձկնորսության: Ինչպես հայտարարել է ՉԺՀ գյուղատնտեսության նախարարությունը, ներկա պահին անհրաժեշտ ամեն ինչ արվել է չինական առագաստանավերի անվտանգությունն ապահովելու համար:
