Եվրոպայում նախկինում երբեք այդքան հստակ չէին զգացել «քաղաքակրթությունների բախումից» եկող վտանգը, ինչպես այս օրերին, երբ Հին աշխարհով բողոքի ալիք անցավ ընդդեմ «Մահմեդականների անմեղությունը» հակաիսլամական ֆիլմի, որը ստեղծվել է ԱՄՆ-ում: Ինչպես գրում է «Ռոսիյսկայա գազետան», երկրները, որոնք վերջին տասնամյակներին ակտիվորեն ներգաղթյալներ էին ընդունում ոչ բարեկեցիկ երկրներից, և որտեղ արդյունքում մահմեդական համայնքները աճեցին մի քանի անգամ, հայտնվել են հուզումների էպիկենտրոնում:
Եվրոպայում տեղի ունեցող ակցիաները YouTube-ում զետեղված հակաիսլամական հոլովակի դեմ, շոկ են առաջացրել ԵՄ բնակիչների շրջանում: Կրկին կասկածի տակ հայտնվեց վերջին տասնամյակների մուլտիկուլտուրալիզմի քաղաքականությունը:
Այս չարտոնված բողոքի ակցիաները եվրոպացիների օրինաչափ հատուցումն է նրանց սխալների համար: Հաճախ մեկ կարճ SMS հաղորդագրությունը բավական է լինում, որպեսզի «երրորդ երկրներից» «երկար եվրոյի» ետևից եկած ներգաղթյալները, որոնց մեծամասնությունն իսլամ է դավանում, դուրս գալ փողոց:
