Ստամբուլում ձերբակալվել են Լիբիայում ԱՄՆ դեսպան Քրիստոֆեր Սթիվենսի սպանության մեջ կասկածվող երկու անձինք, գրում է թուրքական Sabah թերթը: Ձերբակալվածները Թունիսի քաղաքացիներ են, ովքեր փորձել են Թուրքիա մտնել կեղծ անձնագրերով: Նրանք բերման են ենթարկվել Ստամբուլի ոստիկանության բաժին, որտեղ սկսվել է հետաքննություն Թուրքիայում նրանց կապերը բացահայտելու համար:
Բենգազիում սեպտեմբերի 11-ին ամերիկյան հյուպատոսարանի վրա հարձակման ժամանակ սպանվել են Լիբիայում ԱՄՆ 52-ամյա դեսպան Քրիստոֆեր Սթիվենսը և երեք դիվանագիտական աշխատակիցներ:
