2012թ Նոբելյան մրցանակակիրների անունները կհայտարարվեն հոկտեմբերի 8-15 Ստոքհոլմում և Օսլոյում, հաղորդում է ՌԻԱ Նովոստին` հղելով Նոբելյան հիմնադրամի մամուլի ծառայությանը:
Շաբաթվա մեկնարկը կազդարարի Ստոքհոլմի Կարոլինյան բժշկական ինստիտուտին կից Նոբելյան կոմիտեն, որը հոկտեմբերի 8-ին կներկայացնի մրցանակակիրների անունները բժշկության կամ ֆիզիոլոգիայի ասպարեզում:
Երեքշաբթի և չորեքշաբթի Շվեդական թագավորական գիտությունների ակադեմիայի Նոբելյան կոմիտեն կներկայացնի ֆիզիկաի և քիմիայի բնագավառում այս տարվա դափնեկիրներին: Նոբելյան յուրաքանչյուր մրցանակի արժեքը 10 մլն շվեդական քրոն է:
Նոբելյան մրցանակը հանձնվում է 1901թ-ից: Այս ընթացքում մրցանակի արժանացել է 853 դափնեկիր:
