Իսրայելական կառավարությունը ուրբաթ օրը հերքել է ԶԼՄ-ներում հայտնված տեղեկություններն այն մասին, որ Սիրիայի կառավարության հետ գաղտնի բանակցություններ են տարվում` երկու կողմերի միջև խաղաղություն կնքելու վերաբերյալ, ասվում է իսրայելական վարչապետ Բինյամին Նեթանյահուի գրասենյակի տարածած հայտարարությունում:
Հաղորդվում էր, որ խաղաղության կնքման պայմաններից մեկը Սիրիային Գոլանյան բարձրունքների վերադարձն էր, որոնք օկկուպացվել էին Իսրայելի կողմից `վեցօրյա պատերազմի ընթացքում:
Նեթանյահուն հայտարարել է, որ սա հին և ոչ ռելեվանտ առաջարկություն է: Այս մասին հաղորդում է Ինտերֆաքսը:
