Մոսկվան առաջարկում է շարունակել հրադադարը Սիրիայում նաև մահմեդական Կուրբան-բայրամ տոնից հետո, հայտարարել է ՌԴ ԱԳ փոխնախարար Գենադի Գատիլովը:
«Կարևոր է, որ զինված ընդդիմությունը Սիրիայում պահպանի «տոնական հրադադարը», հետո կարելի է այն երկարացնել ևս մի քանի օրով»,-գրել է Գատիլովը Twitter-ի իր միկրոբլոգում:
ՌԴ ԱԳ նախարար Սերգեյ Լավրովը ևս հայտարարել էր, որ հուսով է, որ հրադադարը կշարունակվի նաև մահմեդական տոնից հետո, հայտնում է «ՌԻԱ Նովոստին»:
