2011-ին չինական տնտեսությունից կապիտալի արտահոսքը կազմել է ավելի քան 600 մլրդ դոլար, իսկ վերջին 11 տարվա ընթացքում` 3.79 տրիլիոն դոլար: Այդ մասին հաղորդվում է ամերիկյան Global Financial Integrity (GFI) կազմակերպության հետազոտությունում:
GFI գլխավոր տնօրեն Ռեյմոնդ Բեյքերի խոսքով, միջոցներ դուրս հանելու նման արդյունքներ աշխարհում ոչ մի երկիր չունի:
Կապիտալը դուրս է հանվում հիմնականում տվյալներն աղճատելու օգնությամբ ապրանքագիր ներկայացնելու ժամանակ. չինացի ներկրողները պայմանավորվում են արտասահմանյան մատակարարների հետ գնման գինը բարձրացնելու մասին` այդ կերպ միջոցները տեղաբաշխելով արտասահմանում:
Ընկերությունները վերադարձնում են դուրս հանված միջոցներն արտասահմանյան ներդրումների տեսքով, որպեսզի ստանան հարկային զեղչեր և այլ արտոնություններ:
