Իրաքի ռազմաօդային ուժերի հրամանատարությունը հայտարարել է, որ վերջերս ձեռք բերած F-16 ինքնաթիռներում գտել են կասկածելի սարքավորում, որը ենթադրաբար ունի լրտեսական նշանակություն: Ճշտվում է, որ իսրայելական RADA ընկերության արտադրության համակարգերը նախատեսված են տեղեկատվության վերակոդավորման համար:
Ինչպես հայտարարել են իրաքցի զինվորականները, Իրաքի, Եգիպտոսի, Թուրքիայի և Օմանի կողմից ձեռք բերված F-16 կործանիչներում տեղադրված են նաև նույն իսրայելական ընկերության արտադրության տեղեկատվական համակարգեր, որի շուրջ նախօրոք պայմանավորվել են, հաղորդում է Ռոսբալտը:
