«Սենդի» փոթորիկը 88 մարդու կյանք է խլել ԱՄՆ-ում: Այդ մասին հայտնել է ԱՄՆ կառավարության ներկայացուցիչը, հայտնում է ԻՏԱՐ-ՏԱՍՍ-ը: Ընդհանուր առմամբ տարերքի հարվածից 157 մարդ է զոհվել՝ 67-ը Կարիբյան կղզիներում և երկուսը Կանադայում: ԱՄՆ-ում զոհերի մեծ մասը գրանցվել է Նյու Յորքի նահանգում:
Առանց էլեկտրականության է մնում 4,9 մլն ԱՄՆ բնակիչ, այդ թվում 500 հազարը Նյու Յորքում:
Օդերևութաբանները զգուշացնում են, որ ԱՄՆ Արևելյան ափին նոր փոթորիկ է սպառնում արդեն հաջորդ շաբաթ: «Այն «Սենդիի» պես ավերիչ չի լինի և կբերի ոչ թե հորդառատ անձրևներ, այլ ձյուն»,-ասում են նրանք:
