Ընդդիմադիր Սիրիայի ազգային խորհուրդը նոյեմբերի 9-ին կազմակերպության ղեկավար է ընտրել Ջորջ Սաբրային:
Ընտրությունը տեղի է ունեցել Քաթարի Դոհա մայրաքաղքում: Հանդիպման նպատակն էր միասնական ընդդիմադիր կազմակերպության ստեղծումը և Ասադի ռեժիմի դեմ միասնական պայքարի ռազմավարության մշակումը:
41 ձայնից 28 քվե ստացած Սաբրան այդ պաշտոնում փոխարինեց Աբդելբասետ Սիդին, որը Սիրիայի քրդական համայնքի ներկայացուցիչն էր:
Նախկին կոմունիստ Ջորջ Սաբրան այժմ սոցիալ-դեմոկրատական հայացքներ ունի: Սաբրան ծնվել է քրիստոնյաների ընտանիքում և ինքն էլ հավատացյալ քրիստոնյա է, հայտնում է Լենտա.ռու-ն:
