ԱՄՆ Կենտրոնական հետախուզական վարչության (ԿՀՎ) տնօրեն Դևիդ Պետրեուսը կամավոր հրաժարական է տվել կնոջը դավաճանելու պատճառով: Ըստ նրա, նման վարքն անթույլատրելի է ոչ միայն ամուսնու, այլ նաև մեր նման կազմակերպության տնօրենի համար»: ԱՄՆ նախագահ Բարաք Օբաման արդեն ընդունել է նրա հրաժարականը:
ԿՀՎ ղեկավարը իր գործընկերներին նամակ է գրել, որտեղ բացատրել է իր արարքի պատճառները: «37 տարվա համատեղ կյանքից հետո ես լուրջ սխալ թույլ տվեցի՝ կողմնակի կապի մեջ մտնելով»,-պատմել է նա:
Ավելի վաղ ՀԴԲ-ն հայտնաբերել էր, որ Պետրեուսը ինտիմ կապ ուներ իր կենսագիր Պոլա Բրոդուելլի հետ: Ուստի գերատեսչությունը հետաքննություն է սկսել՝ մտավախություն ունենալով, որ գաղտնի տեղեկությունների «արտահոսք» կլինի սիրեկանի միջոցով: ԱՄՆ հատուկ ծառայություններում ամուսնական անհավատարմությունը ծանր հանցանք է համարվում, հայտնում է ՌԲԿ-ն:
