Վրաստանի վարչապետ Բիձինա Իվանիշվիլին պատրաստվում է հեռանալ քաղաքականությունից 2014-ի տեղական ընտրություններից հետո: Այդ մասին նա հայտարարել է Բրյուսելում վրացի ներգաղթյալների հետ հանդիպման ժամանակ:«Ես պատրաստվում եմ հեռանալ քաղաքականությունից 2014-ի գարնանը տեղական ընտրություններից հետո: Բայց ես պարտված չեմ գնա: Ես ինձանից հետո կթողնեմ շատ լավ կառավարություն, իսկ ինքս կհեռանամ քաղաքացիական հատված և կհսկեմ այդ կառավարությունը»,- հայտարարել է Վրաստանի վարչապետը:
«Մենք պետք է սովորեցնենք մեզ նրան, որ իշխանությունը չպետք է մեկ մարդու վրա հիմնվի: Հասարակությունը պետք է զարգանա, և դա իմ ամենամեծ երազանքն է»,- ասել է նա:
Վրացի ներգաղթյալների հետ հանդիպմանը մասնակցել են նաև սփյուռքի հարցերով պետնախարար Կոտե Սուրգուլաձեն, ԱԳՆ ղեկավար Մայա Փանջիկիձեն և եվրոպական ինտեգրացման հարցերով պետնախարար Ալեքսի Պետրիաշվիլին:
