Բելգիայում հակաահաբեկչական պատրաստվածության մակարդակը բարձրացվել է մինչև 3-րդ` նախավերջին, աստիճան: Այդ մասին ուրբաթ օրը հաղորդել է բելգիական ոստիկանության օպերատիվ կենտրոնը:
«Թագավորության բոլոր հատուկ ծառայությունների պատրաստվածության մակարդակն այսօր բարձրացվել է անկարգությունների աճող վտանգի կամ ծայրահեղական ակտիվության պատճառով` կապված «Մարգարեի անմեղությունը» նոր հակաիսլամական ֆիլմի հայտնվելու հետ»,- հաղորդել է ոստիկանությունը:
Ծայրահեղականության դեմ պայքարի բելգիական բյուրոյի վերլուծաբանները նշում են, որ ինտերնետում նոր սադրիչ ֆիլմի հայտնվելը կարող է հանգեցնել զանգվածային ելույթների, ոստիկանության հետ բախումների:
