Եգիպտական «Մահմեդական-եղբայրները» մեղադրել են ընդդիմության` երկրի նախագահ Մուհամմեդ Մուրսիի առևանգումը նախապատրաստելու մեջ: Ինչպես հաղորդում են տեղի ԶԼՄ-ները, նման հայտարարությամբ դեկտեմբերի 17-ին հանդես է եկել Ազատության և արդարության կուսակցության անդամ Մուհամմեդ Յակուտը, փոխանցում է ԻՏԱՐ-ՏԱՍՍ-ը:
Նրա խոսքով, երկրի ղեկավարին առևանգելու գաղափարը պատկանում է լիբերալ քաղաքական գործիչներ Մուհամմեդ ալ-Բարադեին, Ամր Մուսային և Համդին Սաբբահիին:
Ընդդիմությունում այս հայտարարությունները կեղծ են համարում և ընդգծում, որ չեն պատրաստվում արձագանքել դրանց:
