Իրաքի նախագահ, 79-ամյա Ջալյալ Թալաբանին, որը հիվանդանոց էր տեղափոխվել երկուշաբթի երեկոյան տարած ինսուլտից հետո, հինգշաբթի ժամանել է Գերմանիա հետագա բուժման նպատակով, հայտնում է «Ֆրանս Պրես» գործակալությունը:
«Ես կարող եմ հաստատել, որ Թալաբանին արդեն Գերմանիայում է: Ես նրան շուտափույթ ապաքինում են մաղթում»,-ասել է Գերմանիայի ԱԳՆ ղեկավար Գիդո Վեստերվելլեն:
Թալաբանին հիվանդանոց էր տեղափոխվել երկուշաբթի երեկոյան ուշագնացության պատճառով, աղբյուրները նշում էին, որ նա ինսուլտ է տարել:
Թալաբանին Իրաքի նախագահ է ընտրվել 2010թ. նոյեմբերին, հայտնում է «ՌԻԱ Նովոստի» գործակալությունը:
