Ռուանդայի հարցերով ՄԱԿ միջազգային դատարանը (ՌՄԴ) ռուանդացի նախկին նախարար Օգուստին Նգիրաբատվարեին դատապարտել է 35 տարվա ազատազրկման թութսի ժողովրդի դեմ ցեղասպանության մեղադրանքով, հինգշաբթի օրը հաղորդում է ՌԻԱ Նովոստին:
«Դատարանը Նգիրաբատվարեին մեղավոր է ճանաչել ցեղասպանության, ցեղասպանության կատարման դրդելու և բռնաբարությունների մեջ»,- նշում է գործակալությունը:
1994-ին Ռուանդայի ժամանակավոր կառավարությունը հրահրել է թութսիների զանգվածային սպանություններ: 100 օրվա ընթացքում երկրում մեծամասնություն կազմող խուտուները սպանել են մոտ 800 հազար թութսիների:
