Աթաթուրքի անվան Ստամբուլի օդանավակայանում հինգշաբթի առավոտյան միանգամից երկու միջադեպ է տեղի ունեցել: Յուղի արտահոսքի պատճառով շտապ վայրէջք է կատարել Բրիտանական ավիաուղիների ինքնաթիռը, որը կատարում էր Լոնդոն-Դուբայ չվերթը, հայտնում է «Հյուրիեթը»:
Անձնակազմին հաջողվել է վայրէջք կատարել, ուղևորները տարհանվել են:
Թուրքական ավիաուղիների ինքնաթիռը, որը պատրաստվում էր Ստամբուլ-Հոնգկոնգ չվերթին, բախվել է մեքենայի հետ:
Բախման արդյունքում ինքնաթիռի աջ շարժիչը լուրջ վնասվածքներ է ստացել, ուղևորները տարհանվել են:
Մի քանի ժամ անց նրանք շարունակել են թռիչքը այլ ինքնաթիռով:
