Եգիպտոսի գլխավոր դատախազը կարգադրել է նախկին նախագահ Մուբարաքին տեղափոխել Կահիրեի ռազմական հոսպիտալ, հինգշաբթի օրը հաղորդում են տեղի ԶԼՄ-ները:
Գլխավոր դատախազը որոշում է կայացրել հատուկ բուժհանձնաժողովի խորհրդով, որը ձևավորվել էր իր իսկ կողմից` դատապարտված նախագահի առողջական վիճակը ստուգելու համար: Այս մասին հաղորդում է «ՌԻԱ Նովոստին»:
Նախկին նախագահի առողջական վիճակը վատթարացավ լոգասենյակում ընկնելուց հետո՝ նա վնասեց մի քանի ող և գլուխը: Դրանից հետո նրա իրավապաշտպանը դիմել էր երկրի գլխավոր դատախազին` խնդրելով դիտարկել նախկին նախագահին բանտից հիվանդանոց տեղափոխելու հարցը:
