Վենեսուելայի վերընտրված նախագահ Ուգո Չավեսը, որը վիրահատությունից հետո բուժվում է Կուբայում, կարող է երդման արարողությունն ու իր պարտականությունների իրականցմանն անցնել հունվարի 10-ից հետո: Նման որոշում է կայացրել Վենեսուելայի Գերագույն դատարանը, փոխանցում է Associated Press-ը:
Դատարանի որոշմամբ, նախագահի երդման արարողության տեղափոխումը չի հակասում սահմանադրությանը: Ավելի վաղ հաղորդվել էր, որ վատ առողջական վիճակի պատճառով նա չի կարողանա ներկա գտնվել սեփական երդման արարողությանը:
Չնայած Չավեսի կողմնակիցները բազմիցս հայտարարել են, որ վիրահատությունից հետո նրա առողջական վիճակը բարելավվել է, սակայն նախագահը դեռևս ոչ մի անգամ հանրային ելույթ չի ունեցել:
