Սիրիական ԶՈւ նախօրեին հերթական անգամ փոքր հեռահարության բալիստիկ հրթիռ են գործարկել, հայտնում է «Ռոյթերս» գործակալությունը ՆԱՏՕ-ի հրամանատարության շարքերում աղբյուրի վրա հղումով:
«Երեկ մենք արձանագրել ենք չկառավարվող բալիստիկ հրթիռի գործարկում Սիրիայի տարածքում: Նման գործարկումներ տեղի են ունեցել նաև հունվարի 2-ին և 3-ին»,-ասել է գործակալության զրուցակիցը:
Նա հավելել է, որ հրթիռը որոշ թիրախներ է խոցել երկրի հյուսիսում:
Սիրիայի իշխանությունները հերքում են ընդդիմադիր զինյալների դեմ հրթիռների կիրառումը, հայտնւմ է «ՌԻԱ Նովոստին»:
