Շուտով Լոնդոնը հնարավոր կլինի 25 ֆունտ ստերլինգով դիտել թռչնի թռիչքի բարձրությունից: Փետրվարի 1-ին այստեղ բացվում է Եվրամիության ամենաբարձր երկնաքերը: «Բեկոր» անվանումով աշտարակի բարձրությունը 310 մետր է, շենքն ունի 87 հարկ: Շինարարության ավարտից որոշ ժամանակ անց շենքը համարվել է Եվրոպայում ամենաբարձրը: Սակայն անցած տարվա վերջին նրանից առաջ է անցել «Մերկուրի» երկնաքերը Մոսկվա-սիթի շրջանում:
«Բեկորում» տեղակայվել են գրասենյակներ, բնակելի հարկեր և հյուրանոց: Վերևի հարկերը նախատեսված են դիտահարթակների համար, հաղորդում է ԻՏԱՐ-ՏԱՍՍ-ը:
