ՄԱԿ մարդու իրավունքների գծով գերագույն հանձնակատար Նավանեթհեմ Փիլեյը անհրաժեշտ է համարում միջազգային մակարդակով հետաքննել մարդու իրավունքների խախտումները Հյուսիսային Կորեայում, հայտնում է «ՌԻԱ Նովոստին»:
ՄԱԿ մարդու իրավունքների գծով գերագույն հանձնակատարը մտահոգված է, որ միջազգային ուշադրությունը կենտրոնացած է ՀԿԺՀ միջուկային ծրագրի վրա: «Թեև դրանք հսկայական կարևորության հարցեր են, դրանք չպետք է շղարշեն մարդու իրավունքների հետ կապված իրավիճակն այդ երկրում, որը նախադեպ չունի աշխարհում»,-գտնում է նա:
Փիլեյը մասնավորապես հիշատակել է քաղբանտարկյալների համար նախատեսված ճամբարները, որտեղ, մոտ 200 հազար մարդ է պահվում:
