Դաշնակցության համամասնական ցանկը ներկայացված է քաղաքական բարձրագույն մակարդակով` ոչ մի կուսակցություն 1-ին դեմքով ներկայացված չէ, բացի Դաշնակցությունից (Հայաստանյան կառույցի ԳՄ ներկայացուցիչ Արմեն Ռուստամյան): Նկատառումը ՀՅԴ անդամ Արծվիկ Մինասյանինն է:
Նա Շառլ Ազնավուրի անվան հրապարակում մեկնարկած ՀՅԴ հանրահավաքի ժամանակ նշեց նաև.«Մեր համամասնական ցանկը կազմված է ոչ միայն քաղաքական, այլև մասնագիտական, կառավարման փորձ ունեցող ՀՅԴ և անկուսակցական ներկայացուցիչներից: Մեր ցանկում ընդգրկված բոլորին միավորող ընդհանուր արժանիքը պատվախնդրությունն է, հայրենասիրությունը և սեփական երկիրն ու մայրաքաղաքը իբրև ծնող սիրելը»:
