Համահայկական բնապահպանական ճակատը (ՀԲՃ) 2 օր առաջ հայտարարել էր անդամների հավաքագրում սկսելու մասին: Այսօր բոլոր ցանկացողները հանդիպելու են` քննարկելու ճակատի նպատակները, իրավաբանական կարգավիճակը:
Համահայկական բնապահպանական ճակատը ստեղծվել է որպես հասարակական նախաձեռնություն, որը, ինչպես նախաձեռնողներն են նշում, չի ցանկանում համակերպվել, որ օլիգարխների մի խումբ և օտարերկրյա կապիտալը անխնա շահագործում են հայաստանի ընդերքը, ինչն արդեն հանգեցրել է անդառնալի կորուստների, մարդկանց սոցիալական մակարդակի կտրուկ անկմանը հատկապես գյուղերում եւ արտագաղթի:
Ցանկացողներին առաջարկում են ծանոթանալ աշխատանքային խմբերի հետ, որոնց կարելի է անդամագրվել ըստ հետաքրքրվածության: Խմբերն են`
1. Բնապահպանական խնդիրների վերհանման և մշտադիտարկման խումբ
2. Հանրության էկոգիտակցության բարձրացման և էկոիրազեկման խումբ
3. Կանաչ ջոկատ
4. Իրավաբանական խումբ
5. Հանրային կապեր և տեղեկատվություն:
