Պատկերասրահի շենքը վաղ թե ուշ քանդելու անհրաժեշտություն կլինի: Այդ շենքը նաև պատկերասրահի համար է վատ: Այս մասին PanARMENIAN.Net-ի թղթակցի հետ զրույցում ասաց ճարտարապետ, Երևանի ավագանու անդամ Լևոն Իգիթյանը: Նա հավելեց նաև, որ մինչ այժմ հրապարակը աղավաղվել է, իսկ վերջերս հայտարարածված արդիականացման մրցույթը կանխատեսման փորձ է ու նպատակը նոր սերնդի ճարտարապետական մտքի հավաքված վիճակը տեսնելն է:
«Եթե չեմ սխալվում, սա հրապարակի հետ կապված իններոդ մրցույթն է. բոլորը եղել են ոչ արդյունավետ, համոզված եմ, որ ևս մեկ անգամ անարդյունավետ մրցույթ է լինելու»,- այսօր ասուլիսի ժամանակ ասաց Իգիթյանն ու զարմանք հայտնեց այն փաստի առթիվ, թե ինչու է այս անգամ նման աղմուկ բարձրացել:
Ճարտարապետին հակադարձեց Սպառողների միության նախագահ Արմեն Պողոսյանը.
«Այդ մրցույթի ու դրան մասնակցողների նպատակը իրենց անունը Թամանյանի անվան կողքին գրելն է ու փող ստանալը: Նախորդ բոլոր մրցույթների մասնակիցները փող են ստացել»:
