Արդարադատության նախարար Հրայր Թովմասյանը վստահ է, որ մայրաքաղաքում հասարակական տրանսպորտի ուղեվարձի թանկացման մասին որոշումը հեշտ չի եղել քաղաքապետ Տարոն Մարգարյանի համար, որը սիրում է իր քաղաքը, ինչպես դա կլիներ ցանկացած անձի համար, որը ստիպված է գին բարձրացնել: Սակայն, ըստ նրա, երկու խնդիր կա, որոնք լուծում են պահանջում:
«Եթե ուղեվարձը բարձրացվել է, որպեսզի որոշ մարդիկ հարստանան, ապա կառավարության ցանկացած անդամ դեմ է դրան: Բայց եթե խնդիրը այլ տեսակետից դիտարկենք, ապա Երևանը աճում է, զարգանում է, իսկ տրանսպորտը ավելի ցածր մակարդակում է, քան մյուս ենթակառուցվածքները»,-ասել է նախարարը:
Հրայր Թովմասյանը վստահություն է հայտնել, որ լուծում կգտնվի և քաղաքապետը կհրապարակի այն իր այսօրվա ելույթում:
Նախարարը նշել է, որ քաղաքացիական ընդվզումը ուղեվարձի բարձրացման դեմ գործող կառավարության ձեռքբերումն է, որը ձգտում է ժողովրդավարական հասարակություն ստեղծել:
Ինչ վերաբերում է նրան, թե արդյոք անօրինական է քաղաքացիների կողմից 100 դրամ վճարելը, նախարարն ասել է, որ «ոչ, դա անօրինական չէ»:
