Ղարաբաղյան հակամարտության կարգավորումը պահանջում է լռություն, թեմայով պետք զբաղվեն դիվանագետներն ու փորձագետները:
Այդ մասին է բրիֆինգի ժամանակ հայտարարել ՌԴ ԱԳՆ մամուլի խոսնակ Մարիա Զախարովան, պատասխանելով Հայաստանի, Ադրբեջանի ու Ռուսաստանի նախագահների եռակողմ հանդիպման մասին հարցին:
«Կարևոր է չփոշիացնել ձեռք բերված պոզիտիվը հրապարակային հռետորաբանությամբ», – ասել է նա: «Պետք է անել այնպես, որպեսզի հարցի լուծումը պրակտիկ հարթություն տեղափոխվի», – ընդգծել է դիվանագետը, գրում է ՏԱՍՍ-ը:
Ավելի վաղ Զախարովան անդրադարձել է Ադրբեջանի նախագահի աշխատակազմի ղեկավարի տեղակալ, արտաքին կապերի բաժնի պետ Նովրուզ Մամեդովի հայտարարություններին՝ հակամարտության փաթեթային կարգավորման պայմանավորվածության մասին: Նա հայտարարել էր, թե Ադրբեջանը փորձ է անում յուրովի մեկնաբանել ձեռքբերված պայմանավորվածությունները: «Ես կխնդրեի… ղեկավարվել օրիգինալ հայտարարություններով, ոչ թե հանդիպման արդյունքները այլ ձև մատուցելուն ուղղված բավականին անբարեխիղճ հայտարարություններով», – նշել է նա, ևս մեկ անգամ խնդրելով չհղվել «խեղաթյուրված մեկնաբանություններին», – ասել էր նա:
