2015 թվականի դեկտեմբերի 31-ի դրությամբ Գերմանիայում է բնակվում 19222 ՀՀ քաղաքացի, որոնցից 10017-ը՝ կին, 9205-ը՝ տղամարդ:Նման տվյալներ են տեղադրված Գերմանիայի դաշնային վիճակագրական ծառայության կայքում:
2008 թվականի դեկտեմբերի 31-ի դրությամբ Գերմանիայում էր բնակվում 9584 ՀՀ քաղաքացի: Աճը 7 տարում, այսպիսով, կազմել է ավելի քան 100%:
Ընդ որում՝ արտագաղթը դեպի Գերմանիա արագանում է. 2013 թվականին Գերմանիայում էր ապրում 13773 ՀՀ քաղաքացի (աճը 2008-ի վերջի համեմատ, 3789 մարդ): Իսկ 2014-15 թվականներին Գերմանիայում ՀՀ քաղաքացիների թիվն ավելացել է 5757-ով, այսինքն, հայաստանցիների ներհոսքը վերջին 2 տարում եղել է 1.5 անգամ ավելի մեծ, քան նախորդող 5 տարիների ընթացքում:
Ադրբեջանի քաղաքացիների քանակը 2015-ի վերջի դրությամբ կազմել է 18766 մարդ՝ 2008 թ. վերջի 14337-ի դիմաց: Հարավային Կովկասի երկրներից Գերմանիայում բոլորից շատ են Վրաստանի քաղաքացիները՝ 22030 մարդ 2008 թ. վերջի 13304-ի դիմաց:
